Zgjedhjet në veri, mbyllet afati për aplikim për certifikimin e subjekteve dhe kandidatëve

Aktuale

Zgjedhjet në veri, mbyllet afati për aplikim për certifikimin e subjekteve dhe kandidatëve

Më: 2 dhjetor 2022 Në ora: 16:58
Foto ilustrim

Komisioni Qendror i Zgjedhjeve, sot ka informuar se është përmbyllur afati për aplikim për certifikim të subjekteve politike dhe kandidatëve që duan të marrin pjesë në zgjedhjet e parakohshme për Kuvendin Komunal te Zveçanit dhe Leposaviqit, të cilat do të mbahen më 25 dhjetor 2022.

Gjatë kësaj periudhe (26 nëntor – 02 dhjetor 2022), Komisioni Qendror i Zgjedhjeve ka pranuar 2 aplikime për certifikim për pjesëmarrje në zgjedhje për komunën e Zveçanit dhe 3 për komunën e Leposaviqit.

SUBJEKTET POLITIKE ZVEÇAN LEPOSAVIQ

PARTIA DEMOKRATIKE E KOSOVËS 16 kandidatë 4 kandidatë

LËVIZJA VETËVENDOSJE 10 kandidatë  2 kandidatë

PARTIJA KOSOVSKIH SRBA/ 20 kandidatë

Sipas afateve të miratuara nga KQZ-ja, procesi i vendimmarrjes për certifikimin e subjekteve politike dhe kandidatëve do të bëhet deri më 6 dhjetor 2022.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat