​Faruk Mujka zgjidhet kryeshef në “Ibër - Lepenc”

Aktuale

​Faruk Mujka zgjidhet kryeshef në “Ibër - Lepenc”

Më: 4 dhjetor 2022 Në ora: 21:38
​Faruk Mujka

Ish-kreu i Qendrës së Lëvizjes Vetëvendosje në Mitrovicë, Faruk Mujka, është zgjedhur kryeshef ekzekutiv në ndërmarrjen hidroekonomike “Ibër – Lepenc”.

Lajmi është bërë i ditur nga vetë Mujka përmes një postimi në Facebook, në të cilin thuhet se ai është zgjedhur në këtë post në mbledhjen e mbajtur më 1 dhjetor nga Bordi i Drejtorëve.

Mujka ka bërë të ditur se do ta nisë detyrën që nga nesër, por në vendim thuhet se ai do ta nisë detyrën nga data 6 dhjetor.

“Vend ideal për të kontribuar dhe treguar aftësitë e duhura menaxhuese në përputhje me pritjet e qytetarëve. Falemnderoj nga thellësia e zemrës të gjithë ata që më kanë besuar, përkrahur dhe mbështetur gjatë këtyre viteve nga sfida në sfidë”, ka shkruar Mujka.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat