Pas tensioneve në veri Skender Hyseni i reagon Albin Kurtit: Veriun e dorëzove në duart e grupeve kriminale serbe

Aktuale

Pas tensioneve në veri Skender Hyseni i reagon Albin Kurtit: Veriun e dorëzove në duart e grupeve kriminale serbe

Nga: M.L. Më: 6 dhjetor 2022 Në ora: 19:37
Albin Kurti dhe Skender Hyseni, foto-ilustrim

Ish ministri i Punëve të Jashtme, Skender Hyseni ka reaguar pas tensionimit të situatës në veri të Kosovës.

Nëpërmjet një postimi në Facebook Hyseni i ka kërkuar llogari kryeministrit Albin Kurti duke i thënë që të tregojë para popullit se çka po ndodhë në veri.

Hyseni ka akuzuar Kurtin se e ka dorëzuar veriun në duart e grupeve kriminale serbe atje, të cilat dirigjohen nga Presidenti serb Vuçiq.

Postimi i plotë:

Zotni Albin Kurti, shfaqu para popullit dhe trego çka po ndodhë në veri të vendit dhe si e ke ndërmend me stabilizu gjendjen atje. Pak javë më parë, ti Zotni, me veprime e vendime diletante e amatoreske veriun e dorëzove në duart e grupeve kriminale serbe atje, të cilat dirigjohen nga Presidenti serb Vuçiq.

Apo, mbase po pret që të vijnë ata miltantët tu nga Zvicra a Gjermania, Suedia a Norvegjia, Austria a Danimarka......., ta stabilizojnë veriun???!!!

Apo mos ndoshta ende je t'u prit Amerikën të të jap informata të cilat ti "si zakonisht nuk i ke?".

S.H.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat