Konjufca “nuk beson” se do të shtyhen zgjedhjet në veri

Aktuale

Konjufca “nuk beson” se do të shtyhen zgjedhjet në veri

Më: 8 dhjetor 2022 Në ora: 16:14
Kryetari i Kuvendit të Kosovës, Glauk Konjufca

Kryetari i Kuvendit të Kosovës, Glauk Konjufca tha se “nuk beson” se do të ketë shtyrje të zgjedhjeve në katër komunat veriore të Kosovës, në dritën e shqtësimeve rreth situatës së sigurisë atje.

Varet nga institucionet e sigurisë, u shpreh Konjufca, nëse ose jo do të ketë shtyrje, por se një gjë të tillë nuk e sheh të ngajë.

“Në fund Qeveria është ajo që e merr vendimin”, u shpreh Glauk Konjufca për transmetuesin publik pas hapjes së Kongresit Botëror për Persona me Aftësi të Kufizuara.

Presidentja e Kosovës, Vjosa Osmani, ka thënë se “brenda dy-tri ditësh” do të vendoset për çështjen e zgjedhjeve në pjesën veriore të vendit, teksa ka lajmëruar se është duke zhvilluar takime me institucionet e sigurisë.

“Këto janë vlerësime që bëhen nga institucionet e sigurisë dhe në momentin që do ta marr raportin e plotë do ta kemi një pasqyrë më të qartë çështjes së zgjedhjeve në veri”, ka thënë Osmani.

Ndërkaq ministri i brendshëm Xhelal Sveçla, ka thënë se Kosova “ka absolutisht kapacitete” për të siguruar zgjedhjet e vendit në veri.

Kohëve të fundit ka pasur incidente në pjesën veriore të Kosovës ku janë sulmuar objektet e Kuvendeve Komunale Zgjedhore.

Ambasadori amerikan në Prishtinë, Jeffrey Hovenier, teksa ka dënuar aktet e dhunës ndaj institucioneve në pjesën veriore, është shprehur i shqetësuar se “nuk ka kushte” për zgjedhje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat