Konjufca: Zhgënjyese nëse nuk i shkojmë deri në fund rastit Dehari

Aktuale

Konjufca: Zhgënjyese nëse nuk i shkojmë deri në fund rastit Dehari

Më: 8 dhjetor 2022 Në ora: 23:31
Glauk Konjufca

Pikëlluese e zhgënjyese e ka quajtur Glauk Konjufca, zhdukjen e epruvetave të gjakut të Astrit Deharit.

Ai ka thënë se do të ishte tejet zhgënjyese nëse rasti i tij nuk do të shkonte deri në fund, nën qeverisjen e Lëvizjes Vetëvendosje.

“Shumë zhgënjyese, nëse nuk i shkojmë deri në fund, sepse atëherë po del, ju e thatë që ky rast vetëm drejtësi nuk është. Dhjetë momente mundesh me i kujtu që janë dështime, që kanë lidhje me mekanizmat shtetëror, prej policisë deri tek drejtësia, por që secila ka ngec, duke u kombinu me tjetrën, edhe kjo ta shton dyshimin”, deklaroi Konjufca në RTVD.

Sipas tij, duhet të bëhet analiza e saktë se si ka funksionuar ai institucion.

“Ai institucion në çdo sekond si ka funksionuar, kush e ka mbrojtë, a ka qenë i mbrojtur ai frigorifer ku kanë qenë epruvetat”, ka vijuar ai.

Tutje ai ka thënë se zhdukja e provave është interes i atyre të cilët sipas tij nuk dëshirojnë të dalë në pah e vërteta për vdekjen e Astrit Deharin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat