Sveçla: Policia e gatshme për tu ballafaquar me çfarëdo lloj situate, qytetarët të mos brengosen për sigurinë e tyre

Aktuale

Sveçla: Policia e gatshme për tu ballafaquar me çfarëdo lloj situate, qytetarët të mos brengosen për sigurinë e tyre

Më: 9 dhjetor 2022 Në ora: 00:14
Xhelal Sveçla

Ministri i Punëve të Brendshme, Xhelal Sveçla është deklaruar pas shtimit të pranisë së Policisë në Mitrovicën e Veriut.

Ai thotë se vendimi për shtimin e policisë në atë pjesë është marrë për t’u garantuar siguri qytetarëve në ato pjesë.

Sveçla tha se këto vendime erdhën pas incidenteve të ditëve të fundit që ndodhën në veri të vendit.

“Është e vërtet që sipas planeve operacionale të Policisë së Kosovës është rrit numri i policëve të rendit në disa lokacione në Mitrovicën Veriore për shkak të incidenteve të netëve të kaluara. Ku për shkak të sulmeve të paidentifikuar ende, por të dyshuar është prish rendi dhe qetësia atje. Me qëllim që rendi dhe ligji të kthehen në atë zonë, t;u garantohen qëndrim të sigurt në shtëpitë e tyre është marrë vendim që të shtohet prezenca e Policisë. Policia bën vlerësimet e sigurisë dhe në bazë të këtyre vlerësimeve e ka parë të arsyeshme që të shtohet numri i policëve të rendit që të ofrojnë siguri për të gjithë banorët aty. Shtimi I prezencës pa qëllime të tjera përveç ofrimit të sigurisë për banorët e lagjes”.

Ai tha se këto incidente nuk kanë qenë spontane, por kanë qenë të organizuara e drejtuar nga njerëz profesionist, e të udhëhequra nga qeveria e Beogradit.

“Përqendrimi është kryesisht në disa lokacione, në zonën e qytetit të komunës së Mitrovicës së Veriut. Policia e Kosovës në koordinim të ngushtë me Prokurorinë janë duke vazhduar hetimet e të gjitha sulmeve. E dimë që këto raste nuk janë spontane, janë të organizuara, janë të drejtuar nga njerëz profesionist, të udhëhequra nga qeveria e Beogradit, të mbështetura financiarisht dhe në aspektin e koordinimit", tha ai.

“Unë jam i bindur se kapacitet e policisë janë duhur për tu ballafaquar me çfarëdo lloj situate, ne kemi në situatë relativisht të qet, asnjë qytetar nuk ka nevojë të brengoset për veten apo familjarët e tij. Jemi shtet i së drejtës dhe përmes instrumenteve demokratike do të garantojmë të drejta për të gjithë qytetarët e Kosovës pa asnjë dallim”, ka thënë Sveçla.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat