Kryetari i Partisë Demokratike të Kosovës, Memli Krasniqi, ka vlerësuar lartë veprën intelektuale, politike dhe institucionale e Dr. Ibrahim Rugovës në 17 vjetorin e vdekjes së tij.
Ai tha se përkushtimi i tij politik, la gjurmë në historinë e vendit tonë, në kuadër të përpjekjeve sublime për liri dhe pavarësi.
Shkrimi i plotë:
Në përvjetorin e vdekjes së ish presidentit Ibrahim Rugova, kujtojmë përkushtimin e tij politik që la gjurmë në historinë e vendit tonë, në kuadër të përpjekjeve sublime për liri dhe pavarësi.
Vepra intelektuale, politike dhe institucionale e Dr. Ibrahim Rugovës, mbetet e vlerësuar, e çmuar dhe shtetësisë së Kosovës i shërben si dëshmi e një historie unike politike në Evropë dhe botë.
