Shkëlzen Gashi, ish-këshilltari i kryeministrit, Albin Kurti ka shpërndarë një fotografi të vitit 2004 nga një aktivitet së bashku me Kryeministrin Albin Kurti, kundër vizitës së politikanes serbe, Sanda Rashkoviq Iviq.
Gashi me një postim në Facebook ka shkruar se edhe pas dy dekadash ende flasim për vizita të politikanëve serb në Kosovë, Asociacionin dhe për hallaçuga.
“Para gati dy dekadave, në pranverë të vitit 2004, unë, ende i njomë, tu e lexu me megafon, kurse bashaktivistët tu e shpërnda në formë të shtypun, fjalimin kundër ardhjes së Sanda Rašković-Ivić, koordinatore e të ashtuquajturës qendër për Kosovë e metohi.
Fjalimi e ka pas titullin: Mirësevjen Sanda Rašković-Ivić. Kanë kalu gati dy dekada dhe ende flasim për vizita të politikanëve serb, për asociacione e për hallaçuga.” – ka shkruar Gashi në Facebook.
