Erdogan zotohet që Turqia do t’i ndihmojë Kosovës për më shumë njohje

Aktuale

Erdogan zotohet që Turqia do t’i ndihmojë Kosovës për më shumë njohje

Më: 3 shkurt 2023 Në ora: 20:33
Erdogan

Gjatë konferencës së përbashkët për media me kryeministrin e Kosovës, Albin Kurti në Stamboll, presidenti turk Recep Tayip Erdogan ka thënë se Turqia do të angazhohet që Kosova të arrijë më shumë njohje.

Ai ka thënë Turqia ishte një prej vendeve të para që e kishte njohur pavarësinë e Kosovës si dhe ka uruar Kosovën në prag të 15-vjetorit të saj.

Tani janë 117 shtete që e njohin. Ne do të bëjmë punë intensive që të arrijmë shifrën që është si objektiv sa i përket njohjeve. Dua t’iu uroj 15-vjetorin e Pavarësisë që tani”, ka thënë Erdogan.

Erdogan ka shprehur vullnetin e tij që Kosovës t’i ndihmojë edhe në përpjekjet e saj për anëtarësim në NATO, Këshill të Evropës dhe Bashkim Evropian.

Ne po vazhdojmë përpjekjet tona që Kosova ta arrijë pozicionin e merituar në arenën ndërkombëtare . Ne mbështesim vizionin e Kosovës për anëtarësim në NATO, Këshillin e Evropës dhe Bashkimit Evropian”, ka thënë ai. 

commentFirst article
Sot mund të lexoni Shfletoni kopertinat