Ish koloneli i FSK-së, Afrim Veseli, ka shprehur gatishmërinë që të ofrojë strehim për familjet turke, të cilave iu janë rrënuar shtëpitë si pasojë e tërmeteve të forta.
Ai në T7 ka thënë se ai është i gatshëm që t’i ofrojë atyre strehim e ushqim.
Veseli tha se është në gjendje që të shkojë në Turqi të ndihmojë atje.
Ai ka komentuar edhe dërgimin e ekipeve të kërkim- shpëtimit të FSK-së në Turqi.
“Atje kanë shkuar ekipet e kërkim shpëtimit, që janë të përgatitur shumë mirë dhe e di që me moralin profesional e moral do të gjejnë sa më shumë të mbijetuar atje”, tha Veseli.