Deputeti i Lëvizjes Vetëvendosje, Arbër Rexhaj, ka thënë se kryetari i LDK-së, Lumir Abdixhiku, vazhdimisht tenton ta imitojë kryeministrin Albin Kurti.
Ai tha se Abdixhiku “është bërë imitues i verbër i Kurtit”.
“Ajo çka vërej te zotëri Abdixhiku, se ka filluar të marrë frymë si Albin Kurti, është bërë imitues i verbër i tij. Kosova nuk ka nevojë për opozitë, e cila së paku ka filluar edhe diskursin dhe mimikën ta ketë si Albin Kurti”, ka thënë ai.
Atij iu bashkua kolegu i tij partiak, Mefail Bajqinovci, i cili tha se “Abdixhiku është kopje e dobët e Kurtit”.
