Parlamenti Evropian debaton për dialogun Kosovë-Serbi - Von Cramon: Kosova e ka dëshmuar që është një partner i besueshëm

Eurodeputeti austriak Andreas Schieder ka deklaruar se e mirëpret liberalizimin e vizave për qytetarët e Kosovës, i cili duhet të hyjë në fuqi jo më vonë së 1 janari i vitit të ardhshëm, atëherë kur do të hyjë në funksion edhe sistemi ETIAS.

“Vonesat e mëtejshme janë të papranueshme”, ka thënë ai.

Këto komente ai i bëri  në Komisionin për Punë të Jashtme të Parlamentit Evropian ku prezantohen raportet për Kosovën dhe Serbinë.

“Dialogu Beograd-Prishtinë i udhëhequr nga BE-ja duhet të intensifikohet për të normalizuar marrëdhëniet dypalëshe. Veprimet përshkallëzuese gjatë muajve të fundit nga Serbia dhe akterët e sponsorizuar nga  serbët duhet të denoncohen. Njohja ndërkombëtare e Kosovës duhet të vendoset në gur”, shtoi eurodeputeti austriak.

Në Komitetin për Punë të Jashtme në Parlamentin Evropian, po diskutohet për raportet në mes të Kosovës dhe Serbisë.

Raportuesja për Kosovën në Parlamentin Evropian, Viola Von Cramon – Taubadel, i ka numëruar disa nga të arriturat e Kosovës.

Von Cramon ka thënë që “Kosova e ka dëshmuar që është një partner i besueshëm, në momentet kritike për sigurinë e Evropës”.