Deputetja e Lëvizjes Vetëvendosje, Tinka Kurti i ka reaguar deputetit të LDK-së, Kujtim Shala i cili sot u dëgjua duke e sharë me nënë kryeministrin, Albin Kurti.
Kurti përmes reagimit të saj në Facebook, ka thënë mes tjerash se “si nuk e bindi dikush me kërku falje”.
“Akademiku i vetënominuar për akademi, poeti pa talent, profesori pa etikë, deputeti pa punë, paradite shan, pas darke e ul tonin me u dukë i mençur. Maskë, veç maskë e zbehtë. Si nuk e bindi dikush me kërku falje?”, ka shkruar ajo.
“Vulgar, jo akademik as asgjë, veç vulgar”, shkroi ajo.
Pas sharjes në Kuvend, Kujtim Shala ka ironizuar duke thënë që, vërejtjen e dhënë nga kryeparlamentari Kjonufca, t’ia përcjellin me postë.
