Me flamuj të bardhë e tym, përfundon protesta kundër Asociacionit dhe Marrëveshjes së Ohrit

Kreu i PSD-së, Dardan Molliqaj ka mbajtur fjalim para Qeverisë së Kosovës ku edhe në mënyrë simbolike janë vendosur flamuj të bardhë.

Ndërkohë aktivistët e PSD-së kanë improvizuar edhe me një lloj tymi, për të treguar atë që Molliqaj e quan “humbje të perspektivës së Kosovës”

“Kjo marrëveshje paraqet zymtësi dhe i ftojmë qytetarët që ta kundërshtojnë”, ka thënë Molliqaj.

Pas këtij veprimi simbolik, Molliqaj e ka shpallur të mbyllur protestën

Me fillim nga ora 14:00 ka nisur protesta e thirrur nga PSD kundër marrëveshjes së Ohrit.

Qytetarët janë mbledhur në sheshin “Zahir Pajaziti” dhe kanë vazhduar drejt ndërtesës së Qeverisë.

Organizatorët e kësaj proteste, kanë vendosur flamuj të bardhë para ndërtesës së Qeverisë.

Të pranishëm në këtë protestë janë parë krerët e OVL – UÇK-së, e poashtu deputeti i PDK-së, Hisen Berisha.

Ka nisur protesta e PSD-së kundër Asociacionit.

Në të po marrin pjesë anëtarët e PSD-së, dhe të Nisma Socialdemokrate.

I pranishëm është parë edhe deputeti i PDK-së, Hisen Berisha.

Në shëshin “Zahir Pajaziti” kanë filluar të mblidhen qytetarët për të protestuar kundër marrëveshjes së Ohrit.

Aty tashmë ka mbërritur edhe kryetari i PSD-së, Dardan Molliqaj.

Ai edhe e ka thirrur këtë protestë.

Nga NISMA poashtu ka bërë të ditur se do t’i bashkohen kësaj proteste.