Serbët ia thyejnë xhamat veturave të Policisë së Kosovës

Aktuale

Serbët ia thyejnë xhamat veturave të Policisë së Kosovës

Më: 26 maj 2023 Në ora: 14:14
Veriu i Kosoves

Dhjetëra serbë janë mbledhur para objektit të komunës së Zveçanit për të penguar hyrjen e kryetarit të sapo zgjedhur në zyre.

Ata kanë kundërshtuar me dhunë hyrjen e tij në objekt duke hedhur gaz lotsjellës, duke gjuajtur me armë zjarri e duke djegur e dëmtuar veturat zyrtare të policisë së Kosovës. Një veturë e policisë është përfshirë nga flakët janë hedhur edhe shok-bomba.

Policia e Kosovës përdori edhe gaz lotsjellës për t’i shpërndarë qytetarët e tubuar para objektit komunal në Zveçan – komunë e banuar me shumicë serbe në pjesën veriore të vendit.

Paraprakisht, policia njoftoi se po asistonte kryetarët e rinj të komunave veriore: Zveçan, Leposaviq dhe Zubin Potok, për të hyrë në objektet zyrtare të komunave përkatëse.

Udhëheqësit e këtyre komunave me shumicë serbe – që të gjithë shqiptarë – u betuan një ditë më herët në ndërtesa publike, si shkollat, për shkaqe të sigurisë.

commentFirst article
Sot mund të lexoni Shfletoni kopertinat