Kuvendi i Kosovës ka ndërprerë edhe sot seancën, pasi dështoi tentativa për zgjedhjen e Albulena Haxhiut si kryetare e Kuvendit.
Ngërçi politik po vazhdon, duke thelluar krizën institucionale.
Ish-shefi i AKI-së, Burim Ramadani, ka thënë se gjatë javës së ardhshme pritet të zhbllokohet konstituimi i Kuvendit të Kosovës përmes një zgjidhjeje të ndërmjetme.
Ai thotë se pas kësaj faze, do të nisë procesi i dytë politik – formimi i Qeverisë së re.
Ai paralajmëron ndryshime të mëdha në skenën politike.
Postimi i plotë:
Në javën e ardhshme me gjasë zhbllokohet konstituimi i Kuvendit, përmes një solucioni të ndërmjetëm. Pastaj fillon pjesa e dytë e ballafaqimit politik: formimi i Qeverisë së re! P.S Nuk ka Qeveri Kurti3!
