Një grup qytetarësh, i përfaqësuar nga aktivisti Osman Ferizi, ka paralajmëruar një protestë qytetare paqësore para Parlamentit të Kosovës, si reagim ndaj bllokimit institucional dhe sjelljes së papërgjegjshme të klasës politike – si në pushtet ashtu edhe në opozitë.
Kërkesat kryesore të protestës janë:
Funksionalizimi i menjëhershëm i institucioneve
Respektimi i votës së qytetarëve
Përgjegjësi nga deputetët dhe udhëheqësit politikë
Sipas thirrjes, qytetarët nuk mund të qëndrojnë më në heshtje ndërsa demokracia përdhunohet dhe vota shkelet për interesa personale e partiake. Data e protestës do të shpallet së shpejti, në varësi të zhvillimeve politike.
Njoftimi i plotë:
📣 NJOFTIM PËR MEDIA
📍 THIRRJE PUBLIKE PËR PROTESTË QYTETARE
🗓️ [Data e protestës do të bëhet publike së shpejti]
📌 Para Parlamentit të Republikës së Kosovës
⸻
Të nderuar qytetarë, përfaqësues të mediave dhe opinion publik,
Duke parë gjendjen alarmante dhe bllokimin institucional në Republikën e Kosovës – si rezultat i sjelljes së papërgjegjshme të partive politike, qoftë në pushtet apo opozitë – ne qytetarët nuk mund të qëndrojmë më në heshtje.
Sot, demokracia jonë është e bllokuar. Vota e qytetarit po përdhoset. Institucionet janë kthyer në terren të pazareve personale dhe luftërave për karrierë politike.
Deputetët, të cilëve me votë ua dhamë besimin për të na përfaqësuar, po e shkelin këtë besim. Në vend që të punojnë për interesin publik, ata luajnë bixhoz me fatin e qytetarëve dhe të shtetit.
⸻
Për këtë arsye, bëjmë thirrje për një protestë qytetare paqësore, me këto kërkesa kryesore:
✅ Funksionalizimin e menjëhershëm të institucioneve
✅ Respektim të vullnetit të qytetarëve dhe votës së lirë
✅ Përgjegjësi të qartë nga deputetët dhe udhëheqësit politikë
⸻
SOVRANI JENI JU – QYTETARËT!
Mos lejoni që zëri juaj të heshtet nga arroganca politike!
Ju ftojmë të bashkoheni përballë Parlamentit të Republikës së Kosovës në një protestë dinjitoze dhe paqësore për të kërkuar zgjidhje.
🛑 Për interesa politike dhe karrieriste, keni ngulfatur funksionimin e shtetit.
Ju thirrni në gjakun e sakrificën e popullit, por me sjelljen tuaj e shkelni çdo ditë atë gjak dhe atë sakrificë.
⸻
📢 Data dhe ora do të bëhen publike në ditët në vijim, në varësi të zhvillimeve politike.
Me përgjegjësi qytetare dhe respekt,
Iniciativa e një grupi qytetarësh të Republikës së Kosovës
Osman Ferizi – Aktivist dhe qytetar i lirë i Republikës së Kosovës
