Pas incidentit në objektin e Kuvendit të Kosovës deri në këto çaste mësohet se predha ka rënë brenda oborrit të Kuvendit dhe besohet se e ka goditur edhe katin e dytë, duke shkaktuar disa dëme materiale, si fasadën dhe disa xhama të thyer.
Nga burime jozyrtare mësohet se këtë e kanë bërë dy persona me një motoçikletë, të cilët më pas kanë ikur nga vendi i ngjarjes në drejtim të Gërmisë.
Po ashtu bëhet e ditur se të dyshuarit motoçikletës në fjalë ia kanë vënë zjarrin afër lagjes Taukbahçe, në afërsi të një banke.
Nga ky shpërthim nuk raportohet për të lënduar.
Në vendin e ngjarjes kanë dalë shumë policë me njësitë e tyre, nga ajo e forenzikës dhe shumë hetues të tjerë, të cilët e kanë zgjeruar perimetrin e sigurisë tek objekti i Kuvendit.
Veturat që kanë qenë të parkuara në vendin e ngjarjes kane mbetur të bllokuara.
