Lëvizja Vetëvendosje ka reaguar sërish në lidhje me arrestimin e gjashtë aktivistëve të kësaj Lëvizjeje si të dyshuar se kanë sulmuar me predhë Kuvendin e Kosovës.
Në lidhje me këtë aktivistët e Lëvizjes Vetëvendosje kanë realizuar sot një aksion simbolik gjatë së cilit kanë shpërndarë njoftime me logo të Policisë të cilat i thërrasin qytetarët të bëjnë kujdes.
“Drejtor i kësaj policie e cila është e specializuar në montime të rasteve, de facto është Elmi Reçica dhe de jure është Shpend Maxhuni”, thuhet në një komunikatë të VV-së.
VV ka listuar shtatë veprime që sipas tyre nëse dikush i bën cilësohet si akt terrorist.
1. Blerja e telefonit te tregtarët ilegalë në shesh
2. Blerja e kifleve dhe shkuarja në Fast Food
3. Udhëtimi me taxi në qytet
4. Nxjerrja e të hollave në bankomat
5. Pirja e kafes nëpër kafenetë e qytetit
6. Blerja e motoçikletës apo posedimi i saj nga ndonjë familjar i juaji
7. Kritika ndaj RTK-së dhe mos përcjellja e kanali televiziv
Sipas VV-së gjashtë aktivistë të Lëvizjes Vetëvendosje po mbahen në burgje të dyshuar për këto veprime.
