Nesër në ora 12:00 në sheshin "Zahir Pajaziti" në Prishtinë, do të protestohet për rastin e vajzës në Komunën e Rahovecit, e cila u rrah nga xhaxhai i saj brutalisht në shkollë.
Këtë e ka bërë të ditur ambasdorja e Kosovës në Amerikë Vlora Çitaku, e cila pamjet e dhunës i ka konsideruar të tmerrshme.
“Videon e kemi parë shumica prej nesh, më e tmerrshme është deklarata e policisë, drejtorit të shkollës dhe nënës së saj. Nuk arsyetohet dhuna.
E lus secilin që ka kohë e mundësi nesër t’i bashkohet protestës dhe ta shpërndaj lajmin.
Organizator është ndërgjegja qytetare”, shkruan ajo në Facebook.
Ajo thotë se nesër fillojnë me marsh, të hënën në orën 12:00 vazhdohetme protesta, të organizuara nga Rrjeti i Grupit të Grave të Kosovës; t’i kundërpërgjigjemi normave të patriarkatit, dhe dhunës së ushtruar ndaj viktimave.
