Ky është vendimi i Gjykatës për burrin që rrahu mbesën në Rahovec

Aktuale

Ky është vendimi i Gjykatës për burrin që rrahu mbesën në Rahovec

Më: 17 tetor 2016 Në ora: 20:35
Hidajet Bytyqi

Vajza 16-vjeçare,  Sh.Bytyçi nga fshati Denjë i Rahovecit po përballet edhe një herë me xhaxhin e sajë i cili ushtroi dhunë fizike ndaj saj, para katër dite, në afërsi të shkollës “12 maji” në fshatin Ratkoc.

E mitura këtu ishte nën shoqërimin e prindërve, mbrojtësit të viktimave për regjionin e Gjakovës dhe punëtorit të qendrës për punë sociale.

E pyetur në prezencë të prindërve vetë e mitura Sh.Bytyqi nuk ka dashur të flas për televizionin.  Njëjtë edhe prindërit e saj.

Derisa po pleqnohej çështja nga gjykatësi, ai që deshi të fliste ishte xhaxhai i saj, Hidajet Bytyqi.

Në deklaratën për media xhaxhai i të miturës Hidajet Bytyqi, tha se vajzën e vëllait e ka dashur më së shumti nga të gjithë fëmijët.

“E pranoj se kam gabuar, sepse i di ligjet. Ndjehem fajtor, por jam i lumtur që nuk e kam lënduar”, tha ai.

Me vendimin e gjykatës Hydajte Bytyqit i ndalohet të ushtrojë çfarëdo dhune psikqike, fyerje, kërcënime fizike, apo nënçmime ndaj të miturës Sh. Bytyqi. Gjithashtu i ndalohet ta pengojë që të shkojë në shkollë dhe t’ia cenojë lirinë e lëvizjes palës së mbrojtur (Sh. Bytyqi).

Sot mund të lexoni Shfletoni kopertinat