(E plotësuar) - Një vajzë 18-vjeçare ka ndërruar jetë sot pasi kishte rënë nga një ndërtesë në Prishtinë. Vdekjen e ka konfirmuar Policia e Kosovës, e cila ka marrë raportin mjekësor. Ende nuk dihen motivet dhe as mënyra se si vajza nga Prishtina ra nga ndërtesa.
Ka ndërruar jetë personi i gjinisë femrërore që u hodh sot nga një ndërtesë e lartë në Prishtinë. Ngjarja ka ndodhur rreth orës 12:00 në rrugën Muharrem Fejza, përkatësisht në lagjen “Mati1”.
“M.K e lindur në vitin 1998 ka ndërruar jetë”, bën të ditur Zëdhënësja e Policisë për rajonin e Prishtinës.
Motivet dhe shkaqet e vdekjes ende nuk dihen prandaj vdekja e saj cilësohet si vdekje e dyshimtë.
Një femër hidhet nga ndërtesa në Prishtinë, detajet e Policisë
Një person i gjinisë femërore dyshohet se është vetëvrarë në rrugën Muharrem Fejza në Prishtinë, konkretisht në lagjen “Mati1”.
Zëdhënësja e policisë për rajonin e Prishtinës, Flora Ahmeti për mediat vendore e ka konfirmuar rastin e hedhjes së një femre nga ndërtesa.
“Rreth orës 12:00 kemi marr informatë se në rrugën Muharrem Fejza në Prishtinë, një person i moshës se re, femër ka rënë nga një ndërtesë dhe është dërguar në QKUK”, u shpreh ajo.
Sipas Ahmetit, nuk dihet nëse personi ka ndërruar jetë.