Jakup Krasniqi i bindur se PDK'ja do ta humb Drenasin

Aktuale

Jakup Krasniqi i bindur se PDK'ja do ta humb Drenasin

Më: 24 nëntor 2016 Në ora: 20:39
Jakup Krasniqi

Ish-kryetari i Kuvendit të Kosovës, Jakup Krasniqi, aktualisht kryetar i Këshillit Kombëtar i Nismës, ka thënë se zgjedhjet lokale në Drenas janë fillimi i ndryshimeve në të gjithë Kosovën.

Ai është shprehur i bindur se Partia Demokratike e Kosovës do të humb këtë komunë në zgjedhjet e 4 dhjetorit “dhe se në Drenas do të ketë ndryshime pozitive.”

“Era e ndryshimeve mendoj që ka ardhë, dhe po, po nis në Drenas,” ka shtuar Krasniqi në emisionin Info Box të RTV Dukagjinit.

“Qytetarët e Drenasit do të kenë një qeverisje më ndryshe se që kanë pasur deri më tani,” ka thënë ai.

Zgjedhjet e parakohshme në Drenas do të mbahen pasi Gjykata e Apelit ia konfirmoi dënimin me burg ish-kryetarit Nexhat Demaku.

Sot mund të lexoni Shfletoni kopertinat