Privatizimi, 20 mijë rasteve presin zgjidhje

Aktuale

Privatizimi, 20 mijë rasteve presin zgjidhje

Më: 1 dhjetor 2016 Në ora: 15:52
Kryeministri i Republikës së Kosovës, Isa Mustafa, në takim përfaqësuesit e Agjencisë Kosovare të Privatizimit dhe të Dhomës së Posaçme të Gjykatës Supreme

Kryeministri i Republikës së Kosovës, Isa Mustafa, priti në takim përfaqësuesit e Agjencisë Kosovare të Privatizimit dhe të Dhomës së Posaçme të Gjykatës Supreme, e cila merret me çështjet që kanë të bëjnë me procesin e privatizimit.

Gjatë takimit, ku ishte i pranishëm edhe zëvendëskryeministri Hajredin Kuçi dhe ministrat Dhurata Hoxha e Avdullah Hoti, u bisedua për zhvillimet që lidhen me procesin e privatizimit, koordinimin në këtë aspekt, si dhe bashkëpunimin ndërinstitucional duke respektuar plotësisht mandatin e secilës prej institucioneve.

Sipas një komunikate të Qeverisë së Kosovës, Mustafa shprehu përkrahjen e Qeverisë për institucionet përkatëse duke vlerësuar përkushtimin e tyre në procesin e privatizimit.

“Në takim, u bisedua edhe për mundësitë e intensifikimit të trajtimit dhe zgjidhjes së rasteve që lidhen me procesin e privatizimit, duke pasur parasysh edhe numrin prej rreth 20 mijë rasteve që tashmë ekzistojnë në këtë fushë”, thuhet në komunikatë.

Sot mund të lexoni Shfletoni kopertinat