(E plotësuar)- Kryeministri i Kosovës Isa Mustafa ka vizituar Batalionin e Parë të Forcës së Sigurisë së Kosovës në Gjilan.
Bashkë me kryeministrin në Gjilan ishte edhe ministri i FSK-së, Haki Demolli i cili pas takimit tha se e informoi kryeministrin për të arriturat e FSK-së për këtë vit.
Demolli tha NATO-ja ka konfirmuar intensifikimin e marrëveshjes me FSK-në, gjë e cila sipas tij nënkupton transformimin sa më të shpejt të Forcave të Sigurisë në Forcat e Armatosura.
“Shpresojmë që ky bashkëpunim do të jetë një hap më tutje në përgatitjen e FSK-së, për transformimin në FAK, kuptohet se edhe ne tashmë jemi të gatshëm vetëm presim vendimmarrjen politike në Kuvendin e Kosovës”, tha Demolli.
Ndryshe, kryeministri Muatafa ka qëndruar gjatë në Gjilan, ku ka zhvilluar takime me kryetarin e komunës Lutfi Haziri, si dhe ka mbajtur një ligjeratë në Universitetin Publik “Kadri Zeka”.
***
Kryeministri Isa Mustafa gjatë qëndrimit të tij në Gjilan ka vizituar edhe Batalionin e Parë të Frocës së Sigurisë.
Bashkë me kryeministrin në Gjilan ishte edhe ministri Haki Demolli i cili pas takimit tha se e informoi kryeministrin për të arriturat e FSK-së për këtë vit.
Demolli gjithashtu tha se përgjigja pozitive nga NATO hap rrugën për intensifikimin e marrëveshjes së FSK-së dhe NATO-s.
“Shpresojmë që ky bashkëpunim do të jetë një hap më tutje në përgatitjen e FSK-së, për transformimin në FAK, kuptohet se edhe ne tashmë jemi të gatshëm vetëm presim vendimmarrjen politike në Kuvendin e Kosovës”, tha Demolli.
