“Drejtësia në Kosovë” në emisionin e kaluar ka transmetuar pamje të djegies së katër autobusëve në rajonin e Mitrovicës.
Filmimet janë kryer në muajin korrik të këtij viti dhe rasti ishte cilësuar si njëri nga rastet më të rënda të zjarrit në Regjionin e Mitrovicës.
Reportazhi i përgatitur në bashkëpunim me Policinë e Kosovës ka sjellë detaje për veprimet e policisë që nga momenti kur policia e ka marrë informacionin për këtë zjarr, e deri në momentin e shuarjes së tij.
Zjarrfikësve u ishin dashur disa orë për të shuar zjarrin ndërsa, gjatë tentativave për të fikur zjarrin ishte lënduar edhe pronari i kompanisë së autobusëve.
