Përfaqësuesja e Lartë e BE-së për Politikë të Jashtme dhe Siguri, Federica Mogherini ka filluar takimin në Bruksel me delegacionin e Serbisë, që përfaqësohet nga presidenti Tomislav Nikoliq dhe kryeministri Aleksandar Vuçiq.
Pas takimit me palën serbe, Mogherini do të takojë delegacionin e Kosovës në përbërje të Presidentit, Hashim Thaçi dhe kryeministrit Isa Mustafa.
Pas përfundimeve të takimeve bilaterale me delegacionet e Kosovës dhe Serbisë, të dy delegacionet pastaj do të do të zhvillojnë një darkë pune, ku e pranishme do të jetë edhe Mogherini.
Gjatë takimit, i cili besohet që do të zgjas disa orë, do të tentohet të ulen tensionet mes Prishtinës dhe Beogradit, pas provokimit që Serbia bëri me trenin dhe arrestimin e ish kryeministrit Ramush Haradinaj.
Takimi i sotëm është i nivelit më të lartë që kanë mbajtur Prishtina dhe Beogradi ndonjë herë.
