Thaçi përmes llogarisë së tij në Facebook njoftoi se ka biseduar me Vuçiqin dhe ka gjetur pajtim për punë të përbashkët në zgjidhjen e çështjeve me interes reciprok.
Por, një bisedë e tillë e Thaçit që është president, lë anash rolin e udhëheqësit të Qeverisë dhe deri tani të dialogut me Serbinë, Isa Mustafën.
Gjithsesi, kështu nuk e sheh këshilltari i Mustafës.
“Sigurisht që kryeministri nuk ka pas nevojë të bisedoj përtej asaj që është biseduar në Bruksel”, ka thënë Bajram Gecaj, duke shtuar se “marrëveshjet për normalizim arrihen me ndërmjetësimin e BE-së dhe SHBA-ve”.
I pyetur rreth bisedës së Presidentit me kryeministrin serb, Gecaj tha shkurt se “Thaçi flet me kënd të dojë në telefon”.