Zëvendëskryeministri serb në Qeverinë e Kosovës Branimir Stojanoviq tha sot se është e qartë se vendimi i autoriteteve në Prishtinë për siç e quajti ai “konfiskimin e pasurisë së Serbisë në Kosovë dhe Metohi nuk ka bazë ligjore dhe nuk do të ketë efekt ligjor, por do të komplikojë marrëdhëniet serbo-shqiptare”.
Sipas tij, ky vendim është marrë në “gjysmë-heshtje”, që përbën një veprim të njëanshëm politik për konsum të përditshëm politik.
Ky reagim i tij vjen pas vendimit të ekzekutivit të Kosovës për kalimin në pronësi të Kosovës të pronave të paluajtshme të regjistruara në emër të ish-Jugosllavisë, Serbisë dhe të Krahinës Autonome të Kosovës.
