(E plotësuar)- Kryeministri i Kosovës, Isa Mustafa për herë të parë e ka bërë të qartë se Kosova do të ketë ushtrinë vetëm në bashkëpunim dhe koordinim me SHBA-në dhe NATO-në. Kreu i ekzekutivit në shënimin e 27 vjetorit të themelimit të LDK-së në Podujevë, tha se Kosova duhet ta ketë ushtrinë e saj, porse assesi nuk duhet të mbetet pa miqësinë me SHBA-në.
Mustafa theksoi ka kujtuar edhe porosinë e ish presidentit dhe kryetarit të LDK-së, Ibrahim Rugova, i cili kërkonte që Kosova ta mbajë miqësinë e përhershme me SHBA-në.
Madje, sipas tij, Kosova ka ardhur deri këtu dhe ka ndërtuar këtë shtet, fal ndihmës së pakursyer të shteti amerikan.
Mustafa: Ushtrinë do ta bëjmë në koordinim me SHBA-n
“Do ta zgjidhim edhe problemin e ushtrisë, por ushtrinë do ta bëjmë në bashkëpunim, koordinim me Shtetet e Bashkuara të Amerikës dhe me NATO-n. Nëse ne kemi një porosi të qartë, me të qartën të këtij njeriu që kemi këtu para jush të Ibrahim Rugovës, është që ne duhet ta ruajmë dhe mbajmë miqësinë e përhershme me SHBA-në, dhe Rugova nuk e ka thënë këtë rastësisht, e ka thënë sepse e ka sprovuar, sepse vetëm SHBA na janë gjetur në kohën me të rënda, që nga çlirimi deri me tani, me SHBA-të e kemi bërë këtë shtet që e kemi, dhe me SHBA-në duhet t’i ndërtojmë edhe institucionet e ardhshme të Kosovës. SHBA e përkrahin themelimin e ushtrisë së Kosovës, por kërkojnë që ky themelim të bëhet me një bashkëpunim”, theksoj Mustafa.
Kreu i LDK-së, foli edhe për liberalizimin e vizave dhe anëtarësimin e Kosovës në Bashkimin Evropian. Tha se shtetit të Kosovës i janë hapur dyert që qytetarët të lëvizin pa viza në shtetet e BE-së, porse duhet plotësuar edhe kushtin e fundit, ratifikimin e marrëveshjes për demarkacionin me Malin e Zi.
Mustafa: Pse t’i lëmë qytetarët tanë të izoluar
“I kemi plotësuar 94 kushte nga 95. I 95-ti është demarkimi i kufirit me Malin e Zi, dorën në zemër asnjë vendi tjetër nuk i është vënë ky kusht por vetëm Kosovës, por ne tani nuk mund të vendosim për kushtet që jep Evropa, ne duhet të vendosim për atë çfarë duhet të bëjmë ne që të plotësojmë këto kushte. Ne e kemi mat nja katër herë territorin e Kosovës në të gjitha mënyrat, edhe vet edhe me ndërkombëtarë dhe na ka dal se Kosova kurrë s’ka pasur më shumë territor se sa e ka tani dhe që nuk kemi humb asnjë metër katror dhe nuk kemi arsye që t’i mbajmë qytetarët peng që vetëm Kosova në Evropë të jetë e izoluar”, tha Mustafa.
Në anën tjetër, kryetari i LDK-s në Podujevë, njëherit edhe kryetar komune, Agim Veliu foli gjërë e gjatë për 27 vjetët e rrugëtimit të LDK-së. Tha se për këto 27 vjet, LDK ka treguar vizion, urtësi, përkushtim e vendosmëri ndër ne dhe përmasa tjera.
Kërkoi nga zbardhjen e vrasjeve të aktivistëve të LDK-sëMustafa: Ushtrinë e bëjmë vetëm në bashkëpunim me SHBA-n
Veliu: Shteti e ka obligim drejtësinë
“Udhën që kemi bërë së bashku në këto 27 vjet siç e dimë ka qenë e vështirë e me përballje, me përpjekje e me arritje, por e dinjitetshme dhe e paepur drejt qëllimit për liri pavarësi e demokraci në Kosovë. Duket ashiqare që ne që jemi fatlum tek i gëzojmë, i shijojmë dhe kujdesemi me fisnikëri ti ruajmë këto vlera. Pashmangshëm këto dit i kujtojmë më pietet prijësit e intelektualët, ideolog e veprimtar, deputet e kryetar që ranë e na i vranë, që ndërruan jetë por bënë vepra hero e martirë lirie, si Fehmi Agani, Enver Maloku, Xhemajl Mustafa, Shaban Manaj, Latif Berisha, Ismet Rraci, Smajl Hajdaraj, Ukë Bytyçi, ushtarak e veprimtar tjerë dhe Fadil Ferati mbetën shëmbëlltyra dhe dedikim nderimi, ndërsa shteti obligim drejtësinë, a krimit politik ndëshkimin, gjithsesi”, u shpreh Veliu.
Kreu i LDK-së në Podujevë, nuk la pa përmendur edhe ish kryetarin e kësaj partie, Ibrahim Rugovën, për të cilin tha se janë me fat që patën udhëheqës, një njeri humanist.
LDK është themeluar me 23 dhjetor 1989 nga një grup intelektualësh, ku kësaj partie do t’i printe Ibrahim Rugova deri kur vdiq në vitin 2006. Ndërsa, shpejt u shtri në tërë Kosovën.
Mustafa: Formimi i ushtrisë vetëm në koordinim me Amerikën dhe NATO-n
I pari i ekzekutivit, Isa Mustafa deklaroi se formimi i ushtrisë së Kosovës mund të bëhet vetëm në bashkëpunim me miqtë ndërkombëtarët.
“Formimi ushtrisë vetëm me koordinim me Amerikën dhe NATO-n”, ka thënë Mustafa gjatë tubimit të 27 vjetorit të LDK-së në Podujevë.
Procesi i transformimit të Forcës së Sigurisë së Kosovës në Ushtri po kundërshton fuqishëm nga ambasadori amerikan, Greg Delawie. Ky i fundit ka deklaruar se një gjë e tillë nuk duhet të bëhet pa ndryshimet kushtetuese.
Ndërsa presidenti i Kosovës Hashim Thaçi ka thënë se për transformimin e FSK-së janë në koordinim të plotë me partnerët ndërkombëtarë dhe se FSK duhet të transformohet në ushtri.
“Nuk është veprim i njëanshëm, por nëse ndonjë vend mendon që [Kosova] duhet të jetë e koordinuar me Serbinë, diçka e tillë nuk do të ndodh.Kryeministrit të Serbisë Vuçiq, i kam kërkuar që të ushtrojë ndikimin për rikthimin e serbëve në institucionet e Kosovës, në mënyrë që të votohet Asociacioni dhe Demarkacioni gjithashtu edhe të ndodhin ndryshimet Kushtetuese për FSK-në përgjigja e tyre ishte hezituese, prandaj kthim prapa nuk ka, FSK duhet të transformohet në ushtri të Kosovë”, ka deklaruar ai.
