Analisti politik Dardan Gashi, ka thënë se i gjithë vendi e ka pritur lirimin e Haradinajt, duke e cilësuar ndalimin e tij ”ankth të krijuar nga Serbia në mënyrë artificiale”.
Veç tjerash analisti Gashi komentoi dhe çështjen e mos-organizimit të institucioneve me rastin e kthimit të Haradinajt, teksa shtoi se nuk do ishte e arsyeshme edhe po të organizohej dicka e tillë pasi sipas tij askush nuk ndihmoi Haradinajn, në çështjet procedurale të mbrojtjes gjatë këtij procesi të vendimmarrjes.
Këto deklarime Dardan Gashi, i dha në Info Magazine teksa deklaratat e Vuçiqit i ka quajtur qesharake.
”Po gjithë Kosova e ka pritur kët vendim që përfundimisht Haradinaj të lirohet nga ky ankth po edhe e gjithë Kosova pasi Serbia e krijoi në mënyrë artificiale”.
”U vërtetua edhe diçka tjetër që nuk ka pasur asnjë meritë ai ekstradim i kërkuar nga Serbia”.
”Nuk kanë qenë të gjitha komentet që janë dhënë prej Haradinajt, të kujdesshme”.
”Por, shpesh herë edhe emocionet kanë luajtur rolin e vet. Sot gjitha komentet ishin se fitoi drejtësia, ato që janë thënë më herët i harrojmë”.
”Beogradi në mënyrë më të ashpër, në aspektin institucional e akuzoi Francën. Largoi deputetët nga Parlamenti Europian në Strasburg”.
”Ka katër muaj që Serbia nuk është ankuar se ka padrejtësi e sot po. Kjo është deklaratë qesharake. Nuk meriton të merret seriozisht askush me Vuciqin”.
”Shumë mirë që kësaj here nuk ka tepih të kuq. Sepse këta që do shtronin tepihun e kuq nuk kanë ndihmuar pjesën procedurale të mbrojtjes së Haradinajt. Këta nuk kanë arsye ta ofrojnë tepihun e kuq. Shumë mirë që e pret familja e jo të tjerët nga institucionet”.