Lidhja Demokratike e Kosovës kërkon vazhdim të dialogut duke e riformatuar atë. E faza e dytë sipas kandidatit për deputet në radhët e listës së këtij subjekti, Bardhyl Meta, është krijimi i grupit të unitetit.
Meta në Rubikon ka thënë se çështja e dialogut duhet të fuqizohet edhe në Kuvendin e Kosovës ngase kjo nuk është bërë deri tash.
Meta iu drejtua Liburn Aliut duke i thënë se LVV po ngjall paranojë karshi serbëve të Kosovës.
Sipas Metës kjo nuk është e drejtë si ndaj serbëve ashtu edhe ndaj qytetarëve të Kosovës, të cilët sipas tij, po vazhdojnë të mbesin të izoluar pikërisht për shkak të këtyre rrethanave.
