Kur Albin Kurti ishte nisur dje ta vizitonte Panairin e Librit në Prishtinë, rrugës ai e mori edhe një pyetje të cilës iu përgjigje.
I riu e pyeti Kurtin, se “nëse ishe bë kryeministër, a do ta pranoje Flamurin e Kosovës”?
“Po ai në institucione kish qenë, veç që në zemër e kam tjetrin”, kështu u përgjigj Kurti, derisa i bëri ftesë të rinjve që ishin aty që të votojnë me zemër.
Videoja është publikuar sot në profilin e Kurtiti në Facebook, ku ndër të tjera janë bërë të ditura politikat e Vetëvendosjes për ndihmë të lexuesve e botuesve.
“Së pari, Lëvizja do të heqë TVSH për librin, gjë që do të ndikojë drejtpërdrejt në uljen e çmimit të librit”.
“Po ashtu, ne do të kemi politika të njësuara me Republikën e Shqipërisë, dhe nuk do ta trajtojmë librin si mall në dogana. Mes Kosovës e Shqipërisë librat do të qarkullojnë lirshëm”.
“Secila shkollë do të furnizohet vazhdimisht me libra, që ta ketë bibliotekën e pasur dhe funksionale”.
“Siç kemi bërë në Prishtinë me bibliotekën Hivzi Sylejmani, ne do të renovojmë e do të pasurojmë bibliotekat e qytetit anekënd Kosovës”.
“Biblioteka Kombëtare do të bashkëpunojë ngushtë dhe do të jetë e ndërlidhur me ato universitare”.