Sipas Kodit Penal të Republikës së Kosovës, referuar rasteve emergjente për mosdhënie të ndihmës së parë, me nenin 191 tregon se kryesit e kësaj vepre mund të përballen me ligjin.
Bazuar në fotografinë e shkëputur nga Kodi Penal, referuar rastit të fundit të vdekjes së të moshuarit 63 vjeçar në Gjilan, ku dëshmitarët siç janë parë në pamjet e qarkulluara në kamera, kanë refuzuar dhënien e ndihmës së parë, nëse shpallen fajtor, sipas ligjit dhe nenit 191/ Mosdhënia e ndihmës, mund të dënohen nga një deri në tetë vjet burg.
Media më parë ka kontaktuar me Zëdhënësin e policisë së Gjilanit, Ismet Hashani, i cili ka konfirmuar se dëshmitarët e rastit janë intervistuar dhe në deklarimet e tyre ata kanë pranuar se në ato momente kur i alivanosuri gjendjen i shtrirë për tokë, kanë telefonuar numrin e rasteve emergjente.
Ndërkohë Hashani ka bërë të ditur që në raste të tilla rastet procedohen në Prokurori ku më pas dhe nga ana e tyre jepet vendimi final në lidhje me kryerjen e veprës penale për mos dhënie të ndihmës së parë në rastin e fundit ku ka ndodhur dhe vdekja e 63 vjeçarit në një nga rrugët e Gjilanit.
