Partia Nisma për Kosovën ka vazhduar fushatën e saj për zgjedhjet lokale, në Komunën e Drenasit.
Kjo parti, nëpërmjet profilit të saj në Facebook njoftoi për takimet që kanë zhvilluar krerët e saj me disa qytetarë të kësaj komune.
Befasisht, në fotografitë e publikuara mund të shihet edhe anëtari i PDK-së, njëherit edhe Kryesuesi i Kuvendit Komunal të Drenasit, Naim Bazaj ulur afër Jakup Krasniqit.
Bazaj në seancat e Kuvendit Komunal shpesh herë është përplasur me kreun e Komunës Ramiz Lladrovcin për tema të ndryshme.
