Zëvendëskryeministri i Republikës së Kosovës, Fatmir Limaj, priti ambasadorin e Republikës së Shqipërisë në Kosovë, Qemal Minxhozi, ku është diskutuar për mbledhjen e përbashkët mes dy qeverive shqiptare, e cila do të organizohet muajin e ardhshëm në Korçë.
Sipas një njoftimi të Qeverisë së Kosovës, zëvendëskryeministri Limaj dhe ambasadori Minxhozi u pajtuan se të dy shtetet duhet të bëjnë më shumë në zbatimin e marrëveshjeve të arritura deri më tani.