Deputetja Donika Kadaj ka reaguar pas shpalljes fajtor të katër aktivistëve të Lëvizjes Vetëvendosje nga Gjykata Themelore në Prishtinë.
Ajo ka shkruar në Facebook se “kjo gjyqësi e kapur nga klika e krimit vetëm mund të të përndjekin e dhunojnë”.
Postimi i plotë:
Po si mendoni se vendimet e një gjykate të kapur nga klika e kriminalizuar mund të të gjykojnë?
Që këta kriminelë pushteti mund të të dënojnë?
Jo pra. Që të gjykosh duhet të kesh mendje e nder. Krimineli nuk e ka asnjërën. Mendjen e ka të korruptuar e nderin të ç’ndërgjegjësuar.
Jo pra. Që të dënosh duhet të kesh legjitimitet e paanshmëri. Krimineli nuk e ka asnjërën. Në vend të legjitimiteti ka dhunën, e në vend të paanshmërisë ka kapjen.
Kjo gjyqësi e kapur nga klika e krimit vetëm mund të të përndjekin e dhunojnë.
A nuk janë këto lavdata? A nuk janë këto shenja se u ke zënë rrugën? A nuk është zënia e rrugës krimit sukses në luftën për drejtësi e barazi? A nuk është pikërisht kjo dëshmia që je në rrugë të drejtë? A nuk të bën kjo krenar?
#Astrit #Adea #Atdhe #Frashër #Egzon