Për nder të festave të nëntorit, në fshatin Vërboc të Komunës së Drenasit, është bërë zbulimi i pllakës përkujtimore të 42 dëshmorëve e 280 martirëve të fshatrave; Vërboc, Shtuticë, Polluzhë, Tërstenik, Gllobar, Dashec, Baks dhe fshatrave përreth që ishin vrarë nga forcat serbe në fund të prillit dhe fillim të majit të vitit 1999.
Pllaka përkujtimore është rregulluar nga Komuna e Drenasit, përkatësisht nga Drejtoria e Shërbimeve Publike dhe Emergjencë. Vendosja e kësaj pllake është bërë pranë lapidarit të Komandantit, Ilaz Kodra.
Në përurimin e saj morrën pjesë: kryetari i Komunës së Drenasit, Ramiz Lladrovci, drejtor të drejtorive komunale, familjarë të dëshmorëve, invalid e veteran të Ushtrisë Çlirimtare të Kosovës, familjar e shumë qytetarë.
