Presidenti i Kosovës Hashim Thaçi po qëndron në Shqipëri për festimin e 105 vjetorit të shpalljes së Pavarësisë së Shqipërisë.
Ai ka vendosur kurora me lule tek varri i Ismail Qemalit në Vlorë, përcjell Bota sot.
Përmes një postimi në llogarinë e tij në Facebook, ai ka thënë se me shpalljen e pavarësisë, Qemali u bë frymëzim për shqiptarët.
Postimi i plotë:
Sapo arrita në Vlorë, ku vendosa kurorë me lule pranë varrit të njërit prej etërve të shtetit shqiptar, Ismail Qemal Bej Vlorës. Duke shpallur Pavarësinë e Shqipërisë, ai jetësoi ëndrrën e rilindasve tanë dhe u bë frymëzim për përpjekjet shekullore të popullit shqiptar për liri. HTH.
