(E plotësuar) - Kryeministri i Republikës së Kosovës, Ramush Haradinaj, për nder të ditëlindjes së 73-të, të ish-Presidentit Ibrahim Rugova bëri homazhe te varri i tij dhe vizitoi familjen Rugova.
Haradinaj para mediave të pranishme tha se sot në ditëlindjen e Presidentit Rugova, nderojmë jetën dhe veprën e vlefshme që ka bërë për Kosovën.
“Sot nderojmë te varri i Presidentit Rugova, e nderojmë në ditëlindjen e Presidentit Rugova. Jeta dhe vepra e tij ka qenë çdo herë lajm i mirë për Kosovën, pra një punë e vlefshme historike dhe sot në ditëlindje i themi faleminderit”, tha Haradinaj.
Pas homazheve Haradinaj vizitoi familjen e ish-Presidentit Rugova, ku u prit nga bashkëshortja e Presidentit, Fana, djemtë, vajza dhe familjarët e Presidentit Rugova.
Familjarët e Presidentit Rugova e falënderuan kryeministrin Haradinaj për vizitën dhe kujdesin e vazhdueshëm, duke thënë se bashkëpunimi i tij me Presidentin ka qenë çdo herë i mirëpritur në të mirë të vendit.
“Presidenti Rugova ka qenë lajm i mirë për Kosovën dhe ju, e ne jemi me fat që e patëm. Ishte Presidenti i parë, historik i Kosovës dhe ai do t’i mbijetojë shekujt.
Faleminderit President Rugova!”, ka thënë kryeministri Haradinaj.
***
Kryeministri i Kosovës, Ramush Haradinaj ka bërë homazhe tek varrit i ish-Presidentit, Ibrahim Rugova me rastin e ditëlindjes së tij.
Haradinaj tha se sot po nderojnë tek varri i Presidentit Rugova në ditëlindjen e tij.
"Jeta dhe vepra e tij ka qenë një lajm i mirë për Kosovën dhe sot në ditëlindjen e tij i themi faleminderit", tha ai.
Kryeministri i Kosovës, Ramush Haradinaj me rastin e ditëlindjes së ish-Presidentit Ibrahim Rugova ka vizituar edhe familjen e ish-Presidentit.