Ish ushtari i “Atlantikut”: Të dënohen edhe Haradinaj, Limaj, Selimi, Lekaj... - Bota Sot
Ish ushtari i “Atlantikut”: Të dënohen edhe Haradinaj, Limaj, Selimi, Lekaj...

Aktuale

E diel, 21 tetor 2018

Ish ushtari i “Atlantikut”: Të dënohen edhe Haradinaj, Limaj, Selimi, Lekaj...

Nga: B.S Më: 3 janar 2018 Në ora: 14:59
Uk Lushi

Uk Lushi, veprimtari dhe ish ushtari i batalionit "Atlantiku", përmes një postimi në facebook, ka reaguar pas dënimit me burg të deputetëve të Vetëvendosjes.

“Tash, që parodia gjyqësore të mos shndërrohet në farsën më të turpshme juridike në historinë e Kosovës, duhet të ngriten padi dhe të dënohen kryeministri Ramush Haradinaj, zv.kryeministri Fatmir Limaj, ministri Pal Lekaj, deputetja Time Kadrijaj, deputeti Haxhi Shala, deputeti Rexhep Selimi dhe e pakta 20 ish-- apo deputetë aktualë nga VV-ja, AAK-ja dhe Nisma, që kanë marrë pjesë në veprimin politik me lotësjellës të opozitës në vitet 2015 dhe 2016”, ka shkruar Lushi, përcjellë “Bota sot”.

Ja postimi i plotë:

Dënimi i sotëm me kusht vetëm i deputetëve të VV-së lidhur me hedhjen e gazit lotësjellës në Kuvendin e Kosovës është dënim me kusht për Republikën e Kosovës. Tash, që parodia gjyqësore të mos shndërrohet në farsën më të turpshme juridike në historinë e Kosovës, duhet të ngriten padi dhe të dënohen kryeministri Ramush Haradinaj, zv.kryeministri Fatmir Limaj, ministri Pal Lekaj, deputetja Time Kadrijaj, deputeti Haxhi Shala, deputeti Rexhep Selimi dhe e pakta 20 ish-- apo deputetë aktualë nga VV-ja, AAK-ja dhe Nisma, që kanë marrë pjesë në veprimin politik me lotësjellës të opozitës në vitet 2015 dhe 2016. Ky dënim dhe aktgjykimi i sotëm i Gjykatësit Kalludra janë fara më e rrezikshme që është mbjellur në tokën politike të Kosovës prej çlirimit nga Serbia. Drejtësia selektive është më e keqe se padrejtësia dhe nëse nuk gjendet zgjidhje do ta shkatërrojë shtetin. Shpresa e vetme mbeten deputetët e Kuvendit të cilët duhet t'a çrrënjosin legjislativisht bimën e fares së keqe nga toka e Kosovës sa më shpejt.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test