Thaçi: Njohja e Kosovës nga Serbia do të ishte mrekulli

Aktuale

Thaçi: Njohja e Kosovës nga Serbia do të ishte mrekulli

Më: 5 shkurt 2018 Në ora: 22:14
Hashim Thaçi

Presidenti është skeptik se Kosova do të njihet nga Serbia por është optimist për vazhdim të bisedimeve në mes të dy vendeve. Thaçi thotë se dialogu nuk ka alternativë.

Presidenti i Kosovës Hashim Thaçi është optimist se këtë vit edhe mund të përfundoj dialogu në mes të Kosovës dhe Serbisë.

“Unë jam optimist dhe shpresoj fuqishëm se kjo mund të ndodh. Me rolin udhëheqës të Bashkimit Europian dhe me mbështetjen e fuqishme të SHBA’së. Dialogu nuk ka alternativë”, tha Thaçi.

Por, ai është shumë pesimist kur është fjala për njohjen e Kosovës nga Serbia.

“Do të ndodhte mrekulli sikur të ndodhte njohja e Serbisë për Kosovën. Jam skeptik se diçka e tillë mund të ndodh. A është e nevojshme dhe e domosdoshme: Po. Njohja e Serbisë për Kosovën do t’i përmbyllte të gjitha tematikat që ekzistojnë ndonjëherë. Se a është lidershipi i Serbisë për njohje apo jo, mendoj se ende ka hezitime të mëdha”, tha Thaçi.

Megjithatë, ai pret që Serbia të mos e pengoj Kosovën në rrugën e saj integruese.

commentFirst article
Sot mund të lexoni Shfletoni kopertinat