Partitë politike në Kosovë aktualisht janë në një krizë të thellë, disa kanë arritur të ndahen,e të tjerat janë në prag të ndarjes. Kjo krizë e partive ka ardhur pikërisht në kohën kur Kosova pret të përballet me çështje të rëndësishme si demarkacioni, ushtria e liberalizimi i vizave.
Publicisti dhe njohësi i çështjeve politike, Idriz Zeqiraj thotë se udhëheqja demokratike e partive politike, nënkupton debatin e lirë dhe vendimmarrjen kolegjiale. Përndryshe, nëse kryetari i partisë, jo me Kryesinë, por me rrethin vicioz, klanin e tij, emëron vetën, Kryesinë, Këshillin e Përgjithshëm, kandidatët pë kryetar komune, për deputet, ministrat, zëvendësministrat, drejtorët e drejtorive dhe gjithëçka tjetër brenda partisë dhe qeverisë, nëse është pjesë e saj, ai është supër-mbret, bënë marrëzira dhe shkakton krizën politike në parti.
“Shumësia e partive, më sakt, e partizave politike, dëmton jetën politike në Kosovë, sepse ato po u shërbejnë, si bishtra, partive blerëse të votave, për të marrë pushtetin. Po kënaqen me dhurimin e ndonjë posti, pa u merakosur për qeverisjen kriminale të partisë amë. Profilizimi i partive politike, xhveshë demagogjinë bajate të PDK-së dhe AAK-së, që proklamohen si të djathta, por, në fakt, janë ekstremisht të majta. Edhe Vetëvendosja aktuale, i kalon caqet e majtizmit social-demokrat dhe rrëshqet në llumin ideologjik, komunist, tipik enverist. Me mendësi të tilla, anakronike për kohën, vështirë të ecët para, të tejkalohen krizat politike edhe brenda –partiake”, thekson publicisti Zeqiraj.