British Council dhe ambasada britanike kanë nisur fazën e dytë të projektit Qytetarët Aktiv, përmes së cilit do të trajnojnë 100 të rinj që përmes aktiviteteve të ndryshme të forcojnë kapacitetin e tyre për t’iu qasur tregut modern të punës.
Ambasadori Ruairi O’Connell me këtë rast tha se rinia nuk është e ardhmja, por e tashmja e Kosovës, duke kërkuar rritjen e investimit në të dhe shprehur lumturinë që qeveria britanike investon në zhvillimin e kapaciteteve të të rinjve.
Partnerë të këtij projekti janë organizatat joqeveritare Toka dhe Syri i i Vizionit. Me këtë rast Jehona Gjurgjeala nga OJQ Toka kërkoi nga zyrtarët e vendit që të mos mbajnë barriera para të rinjve, por të jenë të afërt me ta, në mënyrë që ta kenë të mundur të japin kontributin e tyre për vendin.