Presidenti i Kosovës, Hashim Thaçi, ka vazhduar me dekoratat për personalitetet që dhanë kontribut në shtetformimin e Kosovës dhe në luftën e fundit në vend.
Ai gjatë ditës së sotme ka dekoruar me Medaljen Presidenciale Jubilare për dhjetëvjetorin e Pavarësisë së Kosovës edhe Rrustem Mustafën i njohur si komandant Remi, transmeton lajmi.net.
“Kontribut të çmuar për lirinë dhe pavarësinë, si komandant i Zonës Operative të Llapit dhe anëtar i Shtabit të Përgjithshëm, ka dhënë edhe Rrustem Mustafa. Atë e dekorova me Medaljen Presidenciale Jubilare për dhjetëvjetorin e pavarësisë.” shkruan Presidenti Thaçi në facebook.