Ministri i Punëve të Brendshme, Flamur Sefaj ka thënë se pas nxjerrjes së bilancit të gjobave dhe aksidenteve nga policia për muajin shkurt ka rezultuar të jetë për gjysmë më i vogël numri i tyre, sesa muaji shkurt i vitit të kaluar.
Sefaj përmes një shkrimi ka theksuar se ndëshkimi nuk është qëllim parësorë i institucioneve. Mirëpo, sipas tij, kanë për qëllim uljen e aksidenteve në trafik, transmeton Indeksonline.
Postimi i Plotë:
Policia e Kosovës ka nxjerr bilancin e gjobave dhe aksidenteve për muajin shkurt të këtij viti dhe nga statistikat e policisë del që numri i aksidenteve me fatalitet është për rreth 50% më i vogël sesa në muajin e njëjtë të vitit paraprak.
Edhe pse ndëshkimi nuk është qëllimi parësor i institucioneve të rendit, masat ndëshkuese ligjore të cilat po i ndërmerr Policia e Kosovës, kanë për qëllim uljen e aksidenteve në trafik, ngase siç dihet numri i viktimave nga aksidentet në trafikun rrugor vazhdon të mbetet shqetësues.