Zëvendëskryeministri dhe Ministri i Punëve të Jashtme, Behgjet Pacolli, thotë se Policia e Kosovës ka vepruar sipas ligjit të vendit, pas arrestimit të Gjuriqit.
Pacolli ka treguar se pas kalimit të të gjitha procedurave, është duke u bërë e mundur deportimi i tij jashtë Kosovës.
“Sot Policia e Kosovës ka vepruar sipas ligjit të vendit tonë. Në Veri të Mitrovicës ka arrestuar Z. Gjuriq. Tani mbas kalimit të të gjitha procedurave, është duke u bërë e mundur deportimi i tij jashtë Republikës së Kosovës. Atij u është tërhequr vërejtja disa herë që ti respekton ligjët e Kosovës, siç duhet respektuar ligjet e nikoqirit, çdo qytetar, kudo që shkon”, ka shkruar Pacolli në Facebook.