Në 4-mujorin e parë të këtij viti, 29 persona kanë humbur jetën si pasojë e fatkeqësive apo aksidenteve në komunikacion. Gjatë kësaj periudhe kohore, janë regjistruar rreth 5 mijë aksidente, statistika këto të publikuara nga autoritetet e rendit.
Policia e Kosovës gjatë kësaj periudhe ka shqiptuar 118. 743 tiketa për shkelësit e ligjit, përkatësisht rregullave të komunikacionit, thotë Daut Hoxha, zyrtar për informim në Policinë e Kosovës.
E lidhur me këtë, ka reaguar edhe zyrtari i Partisë Demokratike të Kosovës, Arben Gecaj, përmes një postimi në Facebook.
Ai bën thirrje që të shpallet gjendje e jashtëzakonshme në trafik, pas aksidenteve të shumta që po ndodhin në muajt e fundit.
“Koha për shpallje të gjendjes së jashtëzakonshme në trafik, me dal ushtria në rrugë, s‘ka pshtim tjetër”, shkruan Gecaj.
Kujtojmë se Policia e Kosovës gjatë kësaj periudhe ka shqiptuar 118. 743 tiketa për shkelësit e ligjit, përkatësisht rregullave të komunikacionit.