Presidenti i Kosovës Hashim Thaçi ka kërkuar unifikim të skenës politike kur bëhet fjalë për çështje nacionale.
Ai, në një emision tha se nëse ka përçarje të tilla procesi i demarkacionit me Serbinë do të jetë i ‘tmerrshëm’.
“E pamë se si e kyem demarkimin me Malin e Zi dhe Maqedoninë. Por çka do të ndodh me Serbinë? Do të jetë proces i tmerrshëm demarkimi me Serbinë, sepse nuk ka pasur kufi kurrë. Ne e dimë përafërsisht ku ka qenë, por jo në vija të sakta”, tha Presidenti Thaçi.
Thaçi ka folur edhe për dialogun me Serbinë, duke kërkuar mbështetje në fazën e fundit të këtij procesi. Ai ka thënë se procesi do të përfundojë me njohje të Kosovës nga ana e Serbisë.
