Deputetët e Kuvendit të Kosovës kanë votuar pro Rezolutës për heqjen e tarifave të roamingut me Shqipërinë.
Rezoluta e propozuar nga GP i PSD-së, ka marrë 69 vota pro, përcjell “Bota sot”.
E, përmes një postimi në llogarinë e tij në Facebook, Molliqaj ka falënderuar deputetët që votuan rezolutën për ta hequr Roaming-un në mes Kosovës dhe Shqipërisë.
Molliqaj shpreson se Qeveria e Kosovë do t’i filloj punimet sa më shpejtë për zbatimin e plotë të kësaj rezolute të votuar nga Kuvendi i Kosovës.
Ja postimi i plotë i Molliqajt:
Nga tash, Kosova dhe Shqipëria pa Roaming
Falënderoj të gjithë deputetët që votuan rezolutën që e paraqita në emër të PSD-së për ta hequr Roaming-un në mes Kosovës dhe Shqipërisë. Tash e tutje do të komunikojmë me njëri tjetrin sikurse brenda vendit, pa shpenzime shtesë.
Shpresoj që Qeveria e Kosovë do t’i filloj punimet sa më shpejtë për zbatimin e plotë të kësaj rezolute të votuar nga Kuvendi i Kosovës.
Urime të gjithëve
